Systraseiður

Ofurhetjur!

2012-02-14T21:31:00.000Z

Í ágúst í fyrra saumaði ég skikkju fyrir soninn. Hann var alveg Batman sjúkur og því hafði ég loksins not fyrir hræðilega ljót svört sængurföt sem höfðu legið inn í saumaskáp.
Þar sem hann var að springa úr spennu lá hann nánast á bakinu á mér allan tímann og fylgdist með öllu ferlinu. Saumaskapurinn var ekki beinlínis fallegur en það skipti engu, drengurinn var alsæll!

Svo á laugardaginn varð dóttirin eitthvað svo leið yfir því að hún ætti enga skykkju svo ég leyfði henni að velja sér efni úr skápnum. Hún valdi blátt flís og ég notaði rauðan borða sem band.

Núna á ég tvær ofurhetjur! :)

Jó-jó, góða helgi!

2012-02-11T00:04:00.000Z

Þetta finnst mér snilld! :)

"Craft talk"

Svo ef þið viljið sjá amigurumi útgáfu af þessarri skvísu þá er hún hér

Nýtt hárband

2012-02-09T21:44:00.001Z

Fyrir litla blómið

Núna hvítar þæfðar kúlur á hvítu bandi

Stóra systir verður auðvitað að prófa líka!

Sauma sauma!

2012-02-08T14:36:00.002Z

Elskulega saumavélin er mætt í hús!

Oooog ég á orðið heilan helling af efnum sem bíða eftir því að verða að einhverju fallegu. Ég á líka nokkrar flíkur sem bíða eftir að verða breytt. Ég á meira að segja eina flík sem búið er að sníða og bíður bara eftir því að vera saumuð saman. Núna vantar mig bara meiri tíma! ;-)

Þetta er m.a. innblástur fyrir saum sem ég er búin að safna

Bjútífúl snið!

Koddar af öllum stærðum og gerðum. En ég keypti einmitt þetta röndótta efni í Ikea um helgina, held reyndar að ég muni sauma pils eða kjól úr því.

Þægilegir kjólar á mig ;-)

Öskudagsbúningar!

Fleiri krúttkoddar

Oooog tuskudýr!

Ég þorði ekki að setja hér inn stelpukjóla því það er ekki öruggt að ég hefði getað hamið mig! Meira um það seinna. Fer svo að reyna að setja inn hugmyndir að öskudagsbúingum :-)

Innnnblástur

2012-01-31T14:43:00.002Z

Æðisleg krútt :-)

Fínt og einfalt verkefni

Væri ekki ráð að smella í eitt svona bindi fyrir manninn sinn?

Hvernig væri að smella í eina svona skál í dag?

Hvað er þetta mikil snilld!

Myndir af fallegum barnaherbergjum með svona gamaldagsrúmum hvetja mig til þess að koma rúminu sem stendur út í bílskúr í stand. Það strandar þó á því að mig vantar smá aðstoð með það...

Nú getur maður gefið einhverjum effelturninn

Spreyjað inní glös!

...

Múslíbollur

2012-01-27T22:41:00.004Z

Mmmmm. Bakaði þessar í vikunni og verð sennilega að gera meira í dag! Ég tók bara venjulega bollu-uppskrift og skipti svolitlu af hveitinu út fyrir haframjöl og múslí. Svo bætti ég líka við rúsínum.

Alveg ótrúlega gott með smjöri, osti og rauðu pestói. Mæli svo innilega með þessu!

Uppskriftin:

300gr hveiti

100gr haframjöl

50gr granóla múslí

3tsk ger

1tsk sykur

1tsk salt

2msk olía

2 1/2 dl volg mjólk

1 1/2 dl volgt vatn

Bætti svo við góðri lúku af rúsínum

Verði ykkur að góðu! :-)

Myndaveggur

2012-01-26T14:56:00.004Z

Nánast allir rammar sem fundust á heimilinu voru lakkaðir hvítir!

Uppáhaldsmyndum smellt í

Og svo var spáð og spegúlerað alveg endalaust. Dagblöð klippt í sömu stærðir og rammarnir og úrklippurnar svo hengdar upp með kennaratyggjói þeim var svo endurraðað ansi oft þar til ég var loks sátt og fór að negla. Þetta er svo útkoman. Myndaveggur á ganginum:

Vonandi get ég svo fljótlega farið í skápinn sem þarna sést aðeins í og ljósin á ganginum. Ég er ansi hrædd um að ljósin sleppi ekki við hvíta spreyjið en skápurinn er aðeins meiri ráðgáta ;-)

Innilokuð í snjó - innblástur

2012-01-25T10:37:00.005Z

Bjútí af pinterest síðunni minni

Skál úr pappamassa

Risa krosssaumur!

Geggjað að hafa svona daybed í stofunni!

Fyrir litla ljósálfa

Ragna og Erla?

Allamalla! Kjút!

Osom kragi líka úr zikk zakk mynstri!

Dásamlegt!

Heimaföndur!

Nýtt hálsmen gerir góðan þriðjudag enn betri!

2012-01-24T22:11:00.004Z

Ég tók 180 cm langa kögurlengju og braut hana einu sinni saman og saumaði (eða lét mömmu reyndar gera það því ég nennti ekki að gera það í höndunum ;-)) Þá var ég komin með 90 cm lengju sem var með þéttu og fínu kögri. Svo tillti ég endunum saman og tata nýtt hálsmen!

Svona líka gasalega fínt!

Photobooth-myndir verða að duga í dag því snúran mín skrapp í smá heimsókn.

Ó svo skemmtilegt!

Haha kögur gerir allt skemmtilegt!

Blessuð sólin elskar allt!

2012-01-23T13:25:00.005Z

Elsku sólin lét sjá sig þann 21. janúar og gaf okkur hér fyrir vestan hlýtt í hjartað!

Nú förum við öll að fyllast af orku og gera kraftaverk! ;-)

Geislinn í vatninu

Þú fálmar í vatninu leitandi,

þú hrasar og stendur svo upp á ný.

Blómið í vatninu þráir ljós.

Fegurð þess færir þér yl í nótt.

Þú flýtur með gróðrinum

þar til botni er náð

og þú liggur þar hreyfingarlaus um sinn.

Dag einn þá vaknar þú

og lítur upp, ísinn er þiðinn og sólin skín.

Geislinn í vatninu gaf þér líf

teygði sig niður til þín af sinni náð.

Lag & Texti: Þorsteinn Einarsson

Helicopter gleði

2012-01-21T15:51:00.001Z

Það er ekki hægt að láta margra daga leiðindarflensu stoppa sig þegar kona fær tækifæri eins og í dag. Mig hefur lengi dreymt um fallegan Helicopter kjól og þegar ég sá að þessi var á helmings afslætti á útsölu þá varð ég bara að skella mér í úlpu og skunda af stað. Nú ligg ég aftur í sófanum með dúndrandi hausverk en brosi þó breitt því inn í fataskáp hangir enn ein gersemin :)

Kannski kemur action shot af mér í honum þegar ég er orðin hressari ;)

Bóndadags glens

2012-01-20T17:13:00.006Z

Loksins kom dagurinn sem allir hafa beðið eftir! Hvað er betra en að hafa leyfi fyrir dekri og væmni við þessar elskur! Það sem kostar minnst er oftast best..

Svona var dagurinn okkar:

Í 10 kaffinu beið kassi á borðinu með hinu klassíska ástarbréfi frá frúnni. Auk þess var þar origami hjarta sem ég lærði að gera í morgun með hjálp youtube og svo hin gamla góða trana, nú úr svörtum pappír og er þessvegna svolítið krummaleg.. Kallinn var auðvitað agalega kátur með þetta!

Í hádeginu voru þessi skilaboð komin uppá töflu í eldhúsinu en þarna stendur.

Bóndadagur 2012

tanlningu í kjörinu um

kynþokkafyllsta íslenska karlmanninn

er lokið.

Sigurvegarinn er

Arilíus Marteinsson

3 kaffið: Uppáhaldstertan! Púðursykurmarengs. Hún var samt svo ljót greyjið að ég geri ykkur það ekki að horfa á mynd af henni ;-) Veislugestirnir voru svo 3 sætar píur!

Auðvitað og að sjálfsögðu bíður hans svo ofurvæmin feisbúkk kveðja að vinnudegi loknum þar sem lag með Hjálmum spilar aðalhlutverkið ;-)

Ef þið eruð ekkert búnar að gera fyrir elsku kallana ykkar í dag mæli ég með origami hjarta og ástarbréfi. Kostar ekki krónu en er samt best!

Göngutúr í fallega Tálknafirði

2012-01-19T09:21:00.003Z

Það er sko ekki amarlegt að fá sér göngutúr með skotturnar hér í fallega Tálknafirði og taka nokkrar myndir í leiðinni.

Fíni skápurinn tekur breytingum

2012-01-19T09:00:00.003Z

Ég tæmdi skápinn hennar mömmu sem stendur í eldhúsinu um daginn. Vissi ekki hvað ég ætti svo að gera því mér fannst að ég ætti ekkert til þess að setja í hann. En þegar ég var búin að tína saman allt mitt fína og fallega var skápurinn bara orðinn ansi fínn! Ég reyndar iða alveg í skinninu því mig langar svo mikið til þess að smella veggfóðri inní skápinn! Ég geri það bara við skápinn sem ég fæ mér þegar mamma tekur þennan á endanum ;-)

Iittala glösin og skrautið úr brúðkaupinu

Meira Iittala

Bollastell in the making

Setti svo þessa fínu skál sem ég átti ofan á aðra.

Stuð í Ólátagarði

2012-01-17T21:18:00.009Z

Það er ekki hægt að segja að okkur fjölskyldunni leiðist hér á Tálknafirði. Hér eru myndir frá helginni sem var að líða.

Sólin sést ekki en kertin lýsa upp dagana

Það gerir þessi líka með sinni endalausu gleði og hamingju

Hér er kroppur fullur af kærleika!

Sem hlýtur að útskýra hversvegna hún er alltaf svöng!

Á sunnudögum bökum við oftast vöfflur með AB mjólk í staðinn fyrir mjólk. Af því að Eva vinkona bakar bestu vöfflurnar og hún notar hana.

3ja ára stelpuskotti finnst fátt betra en að fá að sleikja rjómann af þeytaranum.

En er samt alveg til í að deila með sér. Lillan var þó ekkert á því að skila góðgætinu!

Mmmmm!

Vonandi var ykkar helgi líka svona góð!

2012-01-16T11:34:00.003Z

Pinterest er hugsalega eitt það besta sem hefur verið fundið upp! Að flokka og sjá allt sem manni dreymir um að gera og eignast er dásamlegt! Allt annað en að setja í bookmarks. Ég er líka búin að finna uppáhalds bloggarana mína og sé þess vegna einum of mikið af fallegheitum!

Ég er duglegri að setja inn myndir þar en hér á Systraseið, þessa dagana. Ef þið viljið elta mig þar þá er þetta síðan mín. Hér er svo Árný systir. Ég veit að Sigríður er mikið þarna inni ;-) en er ekki enn farin að nota það.

Ef þið viljið fá boð sendið mér e-mailið ykkar á systraseidur@yahoo.com eða skiljið eftir í kommenti.

Nýjar bækur :)

2012-01-13T23:17:00.000Z

Jahúúú! Í dag fékk ég pakka, jólapakka frá Ragga bróður. Þó hann væri svolítið seinn á ferðinni þá var það eiginlega bara til þess að framlengja jólin hjá mér :)

Í þessum pakka leyndust tvær bækur, Wee wonderfuls og Fleecie dolls, sem báðar voru á óskalistanum mínum á Amazon. Í þeim eru allskonar snið og leiðbeiningar að fallegum dúkkum og fígúrum sem ég verð að prófa að sauma!

Wee Wonderfuls - 24 dolls to sew and love er alveg æðisleg og stútfull af krúttlegheitum

Hin bókin heitir Fleecie dolls 15 adorable toys for children of all ages

Í henni eru margar skemmtilegar og einfaldar hugmyndir en mér gekk ekki vel að finna myndir úr henni svo forsíðan verður að duga...

Takk fyrir mig elsku Raggi bróðir og hey! Til hamingju með afmælið!!!!!!!!!!!!!!!!! :)

Biz ladies

2012-01-12T10:15:00.002Z

Þið föndurkonur sem ætlið ykkur út í bisness með föndrið ættuð endilega að kynna ykkur biz ladies pistlana á Design Sponge. Hér er t.d. grein um 12 lexíur fyrir árið 2012.

Hægt er að leita að greinum í 14 flokkum:

Accounting +finances

Branding

Customer Relations

Education + Resources

Employees

Ethics + Etiquette

General Advice

Legal

Marketing + Advertising

Public Relations

Sales

Social Media

Technology

Time Managment

Greinarnar eru skrifaðar af allskonar konum um allan heim sem hafa farið útí viðskipti með vöruna sína. Bara spennandi. Skora á ykkur að kíkja.

Það er aftur komin fimmtudagur sem þýðir bara það að ég þarf að fara að þrífa! :-)

Eigiði góðan dag!

Kisukrútt

2012-01-11T21:13:00.003Z

Hér kemur síðasti skammturinn af heimagerðu jólagjöfunum frá mér. Lítil kisukrútt fyrir litla frænda og litlu frænku.

Svartar fyrir hann
og rauðar fyrir hana

Svo er hægt að snúa þeim á alla vegu því hinummegin eru allskonar litir! Vúhú! :-)

2012-01-10T10:37:00.002Z

Nú styttist í að ég fái mér saumavél! Ég er á milljón að safna mér innblástri fyrir stelpuföt. Hér eru nokkrar flíkur sem ég er að elska þessa mínúturnar :-)

Hægt að leika sér með form og liti! Mig langar líka í svona fyrir mig!

Úr stórum síðermabol

Doppur

Ó mæ hvað litla fuglastelpan mín væri fín í svona!

Sætar

VÁ!

DIY

2012-01-09T10:50:00.003Z

Fallega motta!

Lovlííí!

Hægt að nota hvaða form sem er

Fallegt í barnaherbergið

Flott!

Afþví það er enn svolítið kalt að fara framúr á morgnanna

Skemmtilegt!

Hekllægð

2012-01-07T18:47:00.000Z

Ég er búin að vera svo léleg í heklinu undanfarið, eiginlega bara heillengi. Samt finnst mér mjög gaman að hekla, sérstaklega amigurumi fígúrur. Núna er ég að reyna að koma mér í gang - Hér eru nokkrar fígúrur frá öðrum heklurum sem veita mér innblástur.

Nona Limon

Elisabeth Doherty

Lue and Sue

Jólagjafamyndir

2012-01-04T10:07:00.003Z

Ég bjó til myndir fyrir bræður Alla sem við gáfum þeim í jólagjöf.Fyrir þann yngri og fallegu

kærustuna hans.

Lína úr laginu Yellow með Coldplay. En það er lagið þeirra :-)

Eina línan sem kom til greina fyrir heimshornaflakkarann sem stoppar aldrei lengi á hverjum stað. Get ekki beðið eftir að hann skjótist vestur til okkar!

Gæfuríkt ár

2012-01-02T10:34:00.004Z

Elsku stelpur! Gleðilegt ár. Vona að nýja árið færi okkur öllum gleði og hamingju. Takk fyrir öll innlitin <3 og kommentin.

Síðasta ár var að mörgu leiti krefjandi hjá okkur fjölskyldunni en árið endaði þó vel :-)

Ég og Sigríður systir skreyttum aðeins hjá okkur fyrir áramótin. Hér koma nokkrar myndir af því :-)

Árin brennd saman. Bak við er fína saumavélin sem Kristinn bróðir gaf mér í jólagjöf. Frekar mikið bjútí!

Veisluborðið var hið glæsilegasta!

Glimmer og glamúr útum allt

Servétturnar - slaufur í allskonar litum

Og auðvitað smá garland ;-)

Gæfuríkt ár!

Ýmislegt og allskonar

2011-12-30T17:22:00.000Z

Rakst á ótrúlega skemmtilegar pælingar hjá Svönu á Svart og Hvítu. Ef þið hafið ekki lesið þær eða kommentin, mæli ég með að þið gerið það núna :-)

Gott til að minna okkur föndrara á að við skulum vera duglegar að sækja okkur innblástur úr öllum áttum, duglegar að skapa og reynum að vera fyrst og fremst frumlegar í öllu föndrinu!

Hér er grein sem ég rakst á inná innihald.is um jóla og áramótahefðir. Mér finnst áramótapælingarnar sérstaklega skemmtilegar! Því mér finnst einmitt áramótin snúast um kósýfíling frekar en partý.

Annars langaði mig til þess að hvetja alla til þess að fara að huga að markmiðum fyrir árið 2012! Ég gerði það í fyrra og hengdi listann upp þannig að ég hafði hann alltaf fyrir augunum til að minna mig á. Það tókst ekkert allt en flest. Ég er sjálf farin að hugsa um atriði sem ég ætla að setja á listann fyrir næsta ár. Hér eru ráð sem gott er að hafa í huga við markmiðasetninguna, frá krúttunum á A Beautiful Mess.

Mín markmið munu aðallega snúa að stóru skemmtilegu verkefnunum sem tengjast heimilinu, því hér er ýmislegt sem ég vil breyta og bæta; föndrinu mínu sem ég hef miklar og stórar hugmyndir um og svo forminu á sjálfri mér sem ég vil bæta.

Heimagerðar jólagjafir

2011-12-29T10:43:00.009Z

Eru bestar, eða það finnst mér allavega. Þess vegna ákvað ég að föndra nokkrar jólagjafir í ár. Þær hittu auðvitað beint í mark! Ein uppáhalds-fjölskylda fékk fullan kassa af föndri

Í kassanum var t.d.

Skraut á tréð eins og ég gerði fyrir okkur.

Lýsi ljós og gleði - ljómi kærleiks sólin.

..og svo nöfnin á börnunum.

Snæfríður - Aníta og Skarphéðinn.

Nöfnunum var pakkað niður í krukkur.

Og meira skraut t.d. til að setja á jólatréð. Tók þessar myndir af facebook síðu húsfreyjunnar. Eins og versti stalker! haha ég var með örlítinn móral þegar ég var að klippa og líma ;-)

Gullkorn og góðar stundir - Bók fyrir góðar minningar

Krakkakrúttin fengu svo dýr úr pappír.

Bambi

Ugla

Sirkusdýr

Meira stuð

2011-12-27T11:39:00.003Z

...

Sniðugt!

Úúú fansí!

Hattar eða ekki?

...

Nýársgleði

2011-12-27T10:58:00.003Z

Það stefnir allt í að hér í Ólátagarði verði fullt af fólki til að kveðja árið 2011 og fagna nýja árinu. Við systurnar erum búnar að ákveða að skreyta vel og mikið. Og ég er farin að safna innblástri fyrir það. Datt í hug að þið mynduð vilja sjá svolítið af því. Engar ákvarðanir um liti hafa verið teknar. Hvort það verði litasprengja eða bara glamúr og glimmer. Ohhh en spennandi. Ekki slæmt þegar það eru erfiðustu ákvarðanirnar í lífinu!

...

Það væri nú gaman að búa til 2012 í þessum stíl

...

Meira á morgun!

Uppáhaldsverkefni 2011

2011-12-26T21:30:00.004Z

Myndirnar fínu

1, 2, 3 & 4

Korktaflan

Hamingjufjallið sem er núna í svefnherbergi stelpnanna.

Innblásturstaflan

Útskriftardressið!

Teppin 2 sem ég prjónaði

Það fyrra fyrir Rögnu Evey.

Og það seinna fyrir Snæfríði Rannveigu.

Afmælisdúkurinn hennar Erlu.

Stafasteinarnir fyrir Skarphéðinn.

Og Hárbandið hennar Rögnu.

Gleðileg jól!

2011-12-25T09:56:00.007Z

Um leið og ég óska ykkur gleðilegra jóla langar mig til þess að sýna ykkur nokkrar myndir af fína jólatrénu okkar. Mig langar líka í leiðinni til þess að þakka ykkur fyrir allar heimsóknir á árinu og takk fyrir öll skemmtilegu kommentin! Vona að á næsta ári verði heimsóknirnar enn fleiri og kommentin líka ;-)

Ragna Evey í fallega kjólnum sem mamma prjónaði á mig fyrstu jólin mín.

Ramma fínheit

2011-12-22T09:25:00.002Z

Hér í Ólátagarði var ég með stóran ramma sem mamma ætlaði ekki að nota, í það minnsta ekki í bili. Ég setti efni í hann og hvítan prjónaðan dúk sem mamma á líka. Á glerið skrifa ég svo skemmtileg skilaboð og reyni að skipta um á hverjum degi!

Þessa hugmynd sá ég í innlit útlit í vor en vantaði þá bæði passlegan ramma og stað til að setja hann á. Núna er hann í smá jólafíling með könglalengju og smá kögurborða! :-) Könglakrans hangir svo með :-)

Bland í poka því bráðum koma jólin! :-)

2011-12-20T11:30:00.002Z

Ókeypis englar

...

VÁ! Svona væri fínt á jólatréð mitt!

...

Frítt til að prenta. Aðrir litir í boði hér! Og allskonar fleiri fígúrur. Þetta er skemmtilegt til að setja með í pakkann eða til að skreyta jólatréð með!

...

Pakkað inn gjöfum - Innblástur

2011-12-19T10:30:00.003Z

...

Pastaslaufur :-)

...

Smá jóla í Ólátagarði

2011-12-17T22:15:00.006Z

Það er fátt jólalegra en mandarínur, epli, könglar og rauð kerti. Þess vegna smellti ég þessu öllu saman á fallegan disk - og setti svo ofan á annan fallegan disk!

Vona að jólaundirbúningur gangi vel hjá öllum <3

Fleiri gamlar jólamyndir

2011-12-15T22:13:00.000Z

...

2011-12-14T10:20:00.002Z

Sniðug jólagjöf! Feed your soul plakötin eru ókeypis! Þarft bara að prenta þau út, eða láta prenta fyrir þig.. Held þau séu flest A4 að stærð. Dásamlegt í fallegum ramma!

Kíkiði á þennan link og njótið! Í hverjum mánuði kemur svo að minnsta kosti eitt nýtt inn.

Hér eru nokkrar sem ég gæti hugsað mér að hengja uppá vegg hjá mér! :-)

Annars er það helst í fréttum að við komumst ómögulega inn á facebook síðu systraseiðs svo við getum ekki póstað þar þegar við setjum nýtt inn hér. Þið verðið þess vegna að vera dugleg að kíkja hér inn ;-)

Jólaskraut með greni og könglum

2011-12-13T11:14:00.003Z

...

Hversu fallegt!

...

Ný hekl bók

2011-12-11T23:36:00.000Z

Eins og margir vita er ég frekar hekl-óð. Í gær var verið að kynna nýja heklbók í Litlu prjónabúðinni svo ég dreif mig þangað. Bókin heitir Þóra - heklbók og þó ég hafi ekki keypt hana í gær þá á hún eftir að enda í bókahillunni minni í náinni framtíð því að í henni eru margar uppskriftir sem ég verð að eignast, til dæmis þessar:

Kannski ég eigi svo eftir að gefa út mína eigin heklbók einhverntíman... hmm?

Barbapabbahús

2011-12-11T12:32:00.001Z

Ég rakst á skemmtilega síðu um daginn sem heitir Playing by the book þar sem unnið var geggjað verkefni út frá Barbapabba bók.

Fyrst var bókin lesin

(Þetta er sem sagt bókin þar sem Barbafjölskyldan byggir sér nýtt hús):

Svo var búið til Barbapabbahús úr pappamassa! Alveg frábær hugmynd :)

Note to self: Ég verð einhverntíman að gera þetta með krökkunum mínum!

Jólainnblástur

2011-12-09T22:16:00.002Z

Skemmtileg hugmynd. fyngraför fjölskyldunnar

DIY

Sjá þetta sæta kerti! Mikið sem ég yrði glöð ef einhver myndi gefa mér svona fallega skreytt kerti. Sniðug jólagjöf fyrir skemmtilegar vinkonur!

Þetta væri líka skemmtilegt að fá í fínum jólapakka. Hér eru leiðbeiningar hvernig á að gera svona fínt

ER þetta e-ð GRÍN! VÁ hvað þetta er flott!!

Þessar eru æði! Ég á 2 svipaðar sem amma Alla gerði og þær eru æði!

Jóladagatal Erlu Marenar

2011-12-07T23:40:00.004Z

Langar að byrja á að segja takk fyrir kommentin kæru stelpur! Það er svo skemmtilegt að sjá að þið séuð að fíla það sem við erum að gera! Síðan fær núna rosalega margar heimsóknir á hverjum degi og það er svo skrýtið að fá svona lítil viðbrögð.. En þetta er örugglega allt að koma ;-)

En, já, ég var búin að segjast ætla að sýna ykkur jóladagatal söngfuglsins og súkkulaðigikksins míns. Hér kemur það:

Ég byrjaði á að finna 24 gamaldags jólamyndir eins og ég talaði um hér. Minnkaði þær í wordskjali og prentaði svo.

Klippti þær út. Aftan á þær skrifaði ég svo eitt jólalag.
Og smelli í krukkur. Setti svo á þær smá efnisbúta, rautt band og klemmurnar frá því í fyrra til að merkja þær með númerum.

Suma daga setjum við svo líka smá nammi með.Upp á skáp með þær!

Svo höfum við raðað fallegu myndunum inn í skápinn og lífgum hann svolítið upp með því.

Það er gríðarleg ánægja með þetta á þessu heimili. Mæli með þessu!

Ég notaði krukkurnar bara vegna þess að þær eru til hér í skrilljónatali þar sem ég fæ mig ekki til að henda þeim! haha :-) Hægt að nota hvað sem er.

Svo mikil snilld að hafa dagatalið þannig að það kosti ekkert þar sem þessi mánuður snýst svo mikið um að kaupa og kaupa.

Næst kemur meiri jólainnsblástur! :-)

Jólagleðigjöf - Vinningshafi :-)

2011-12-07T10:28:00.005Z

Öll nöfninKomin í pott

Hrista aðeins upp í þessu

Draga út

Og þar stendur: Íris. Þær voru 2 í pottinum en það er þessi Íris sem vann. Til hamingju!

Eitt stykki hvítur garland er þinn! Vinsamlegast sendu mér heimilisfangið þitt á systraseidur@yahoo.com. Þá fer hann í póst á morgun :-)

Fyrir ykkur hinar þá getiði föndrað svona sjálfar:-) Það sem ég gerði var að ég fór í word og skrifaði hvern staf einu sinni (gleðijó) fann svo letur og stærð. Ég notaði helvetica og stærð 420. Algerlega uppáhaldsletrið þessa dagana! Klippti svo stafina út og strikaði eftir þeim á þykkt karton. Stafina límdi ég svo á borðann með límbandi með lími báðum megin. ég lokaði svo dæminu með að setja teip í sama lit aftan á þetta allt saman svo þetta tolli pottþétt.

Annars er ég alveg að verða klikkuð á öllu þessu föndri...

Er að hamast við að föndra nokkrar jólagjafir. Langar mest til að sýna ykkur en ætla að bíða með það þar til eftir jól. Næst fáiði samt að sjá skemmtilega jóladagatal söngfuglsins Erlu Marenar sem er súkkulaðigikkur mikill!

Viljiði svo fá meiri jólainnblástur? Smelliði þá á like takkan hér að neðan eða skiljið eftir komment ;-)

Gleðileg jól garlandar - gleðigjöf!

2011-12-05T16:24:00.004Z

Er búin að föndra nokkra svona garlanda úr þykku kartoni. Ótrúlega krúttlegir! :-)

Rauður á rauðum silkiborða

Hvítur á hvítri blúndu

Svartur á svörtum silkiborða

Höfum smá leik! Þeim sem langar í eitt stykki garland skilja eftir comment með nafninu sínu og takiði þar líka fram hvaða garland ykkur langar í. Rauðan, hvítan eða svartan :-) Ég ætla að draga út miðvikudagsmorguninn kl. 10. Svo leikurinn verður opin þangað til! :-)

Jólagarlandar

2011-12-05T10:58:00.005Z

Fallegu, fallegu jólagarlandar! Vona að þið föndrið sem flest garland til að skreyta með. Skreytið svo rammana á veggnum, loftin, veggina, jólatréð eða hvað sem er með þeim! :-)

...

Jólainnblástur bland í poka

2011-12-03T10:51:00.003Z

Krútt

Kósý

Skemmtilegt

skemmtileg hugmynd sjá hér

...

Næs!

Prenta út hér :-)

Jerimías hvað þetta er góð hugmynd!

fríkeypis pakkamiðar!

Fallegasta hárbandið

2011-12-02T22:13:00.002Z

Þæfðar kúlur enn á ný! Núna saumaðar á hárband :-) Fyrir litlu Rögnu Evey

Jólainnblástur

2011-12-01T21:39:00.001Z

...

Æði

Leiðbeiningar Vúhú! :-)

Dagatal

Finnst þessi hugmynd alveg geggjuð, vona að mér gangi betur að framkvæma hana en í fyrra

Aðventukrans 2011

2011-11-30T11:21:00.017Z

Ég elska að gera eitthvað fínt úr því sem er til hér heima. Þessi skreyting er einmitt svoleiðis. Kostaði ekki krónu og ekkert vesen! Ég er alveg agalega kát með þetta :-)

Ég notaði einn af matardiskunum mínum sem er úr IKEA 4 misstórar barnamatskrukkur, þeim sneri ég á hvolf og festi á kertastatíf, skreytti svo með könglum og þæfðum kúlum.

Hér eru svo myndir af kransinum frá því í fyrra :-)

Gamlar jólamyndir

2011-11-30T11:10:00.003Z

Nokkrar gullfallegar gamlar jólamyndir sem vel væri hægt að nota í jólaföndrinu held ég! Vúha! Njótið :-)

...

Jólainnblástur

2011-11-30T10:50:00.005Z

...

Fallegur aðventukrans

...

Fingraför

Hægt að leika sér meira með fingraförin :-) Engin takmörk greinilega!

Flott

Væri hagt að nota þessa hugmynd fyrir jólakortin? :-)

...

úr föndurleir :-)

...

Jólakransastuð

2011-11-29T00:19:00.003Z

Bjó þessa krnasa til fyrir jólabasar sem haldinn var hér á Tálknafirði um síðustu helgi. Gerðir úr járnhring, könglum, greinum af birki og þæfðum kúlum. Föndurvír bindur þá svo saman. Ég er skotin í þeim! :-)

Heimagerðar jólagjafir

2011-11-27T09:58:00.004Z

Ég safnaði saman nokkrum hugmyndum að heimagerðum jólagjöfum úr þeim endalausu hugmyndum sem eru á síðunni hjá Mörthu Stewart. Þetta er það sem mér þótti flottast. Þetta er ekki bara innblástur því ef þið klikkið á linkana undir myndunum fáið þið upplýsingar hvernig á að gera hlutina og snið líka! Geggjað¡ Vona að þið finnið hugmyndir sem þið getið notað :-)

...

Jólaföndur

2011-11-26T23:35:00.005Z

Skemmtilegt hvernig þetta:getur með smá vinnu, vatni og sápu orðið að þessu:Er búin að vera að föndra úr þessum þæfði kúlum, könglum og greinum af birki :-)Og föndurhornið er farið að taka á sig mynd. Þarf bara að klára að mála..Gerði þennan könglagarland. Hann er krúttlegur :-)
Skrúfaði svona króka ofaní þá og festi svo á blúndulengju.

Ég er búin að gera allskonar fínheit með þæfðu kúlunum og er alls ekki hætt. Meira um það næst :-)

innblástur

2011-11-26T20:12:00.000Z

Krútti!

Kósý!

Úr klósettpappírsrúllu

Þetta væri nú sniðug jólagjöf! Hvar fær maður svona klemmur?

Leiðbeiningar fyrir þennan bol. Allir geta gert þetta! Það er kominn tími á að ég búi mér til nýja blúndu-flík. Gerist á næstu dögum vonandi!

Ég gæti alveg átt svona teppi!

...

Pakki frá Ástralíu

2011-11-25T23:45:00.002Z

Það er ekkert lítið sem það bætir daginn að fá eitt stykki pakka frá Ástralíu!

Systur mínar voru svo yndislegar að panta þessa mynd alla leið þaðan og láta senda mér :-) Hún er bjútífúl!
Textinn með myndinni er svona: She packed her bags and walked a thousand miles from home to cities new. But always, in the back of her mind, were the trees that lost their leaves in winter, the cries of the larks in summer and the orange shingles on the house where she grew up.

Passar ansi vel við lífið núna. Svo er húsið í sömu litum og húsið sem ég ólst upp í og bý núna aftur í með minni fjölskyldu :-)

Svo fylgdi þetta krúttaða kort með líka :-)

Annars er ég að missa mig í föndrinu! Er á fullu að reyna að hafa til dót sem ég ætla að reyna að selja á jólabasar hér á Tálknafirði á morgun. Svo bráðum hrúgast inn myndir af því öllu.

Við höldum svo áfram að setja inn meiri innblástur því það styttist aldeilis í jólin, fyrsti í aðventu á Sunnudag :-) Ég held ég sé búin að ákveða hvernig kransinn minn verður, en það gæti líka átt eftir að breytast nokkrum sinnum áður en það kemur að því að útbúa hann ;-) Ætlið þið að búa til krans? Mættuð endilega senda okkur myndir á systraseidur@yahoo.com. Við gætum þá sýnt hann hér á síðunni :-)

Jólaskraut til að hengja á jólatréð

2011-11-25T17:39:00.000Z

Vantar ykkur ekki jólaskraut?? ;)

Þetta er geggjuð hugmynd - LoVe It!!

önnur æðisleg :)

búið til úr jólakortum

jólatré á jólatréð

tölur, einfalt og fallegt

fallegt

perlur

jólatré úr íspinnum

Hárbandabrjálæði

2011-11-24T09:09:00.003Z

Ég smellti hárbandinu góða á litlu Rögnu Evey um daginn. Það varð til þess að sú stóra krafðist þess að fá hárband fyrir sjálfa sig og gladdi mömmu sína mikið með því :-)
Ég fann ekkert annað en blúnduefni svo ég klippti bút af, nógu langt til að komast utanum höfuðið hennar og geta bundið það saman. festi svo stóran bleikan dúsk á sem hefur verið að þvælast fyrir mér. En þá kom hún auga á þæfðu kúlurnar sem ég hef verið að gera og sannfærði mig um það að hún þyrfti að fá einn bleikan á bandið.

Agalega fín!

Dúkkulísur og fleira skemmtilegt

2011-11-21T22:47:00.006Z

Gleði gleði! Fullt af skemmtilegum og fallegum dúkkulísum sem er ókeypis að prenta. Líka smá meira sem er líka ókeypis. Skemmtilegt svona fyrir jólin fyrir krakka og konur eins og mig ;-)

Krútt

Smellið á linkinn og fáið fullt af öðrum í þessum stíl :-)

Falleg ballerína

Búa til sjálf með ljósmyndum af fjölskyldunni

Minnisleikur. Íspinnar. Væri alveg ekta fyrir Erluna mína :-)

Skreytum jólatréð!

...

Líka fyrir strákana :-)

Random jólagleði!

2011-11-21T21:57:00.005Z

Enn eitt jóladagatalið

...

Krútt!

...

Frítt að prenta

...

Of mikið af fallegum jóla-innblæstri til að flokka alltaf niður. Verð að koma þessum hugmyndum áfram!

Aðventudagatöl

2011-11-21T21:26:00.003Z

Ekki seinna vænna en að fara að huga að þeim ef pælingin er að útbúa þau sjálfur :-) Hér eru nokkur sem hafa gripið athygli mína.

...

Eldspýtnastokkarnir nýttir

...

Einfallt og fínt

Held samt að ég myndi gera þetta í allskonar litum :-)

...

ÆÐI!

Ahhh:)

2011-11-20T00:49:00.003Z

.. er að elska lífið þessa stundina, átti æðislegan dag og vona að ykkar hafi verið það líka! Er laumuskotin í Justin Bieber og hlakka svo óóóótrúlega mikið til jólana. Verður gott að fá smá pásu frá miklum lærdóm, fá að vinna smá í fiski, eignast smá pening í einhvern tíma, fara á tvöjólahlaðborð, fara á Frostrósir á Tálknafirði, vera með fjölskyldunni og fá að kúra með 2 litlum snúllum í einhverja daga:)

Life is good!

Kraftaverkasúpan

2011-11-18T15:06:00.003Z

Um daginn þegar það var stormur úti og kærastinn frekar slappur ákvað ég að skella í Kraftaverkasúpuna góðu. Þetta er súpa sem mamma hefur gert í mörg ár og slær hún alltaf í gegn! Hún fékk nafnið Kraftaverkasúpan því hún hressir mann alltaf við þegar maður er slappur/veikur - enda stútfull af vítamínum;)

Það sem þið þurfið:

1 líter af vatni
1 msk. olía
1 lauk
2-3 gulrætur
1-2 lúkur af pasta
Tómatmauk í niðursuðudós, ég nota alltaf diced:)
1 lúku af broccoli
6 msk. tómatsósu
3 msk. hunts chillitómatsósa
1 grænmetistenging
1/4 líter rjóma
1/4 líter mjólk
Salt og pipar

Aðferð:

Hitið olíuna, steikið niðurskorinn lauk og basilikukryddið og gerið laukinn mjúkan (ath. ekki brúna hann, bara mýkja!).
Hellið 1 líter af vatn ofaní, setið gulræturnar, báðar tómatsósurnar, tómatinn í niðursuðudósinni og grænmetisteninginn.
Þegar suðan kemur upp þá skelliði pastanu með.
Broccoli-ið fer út í stuttu eftir það, en það tekur ekki langan tíma að vera soðið í gegn.
Þegar pastað er tilbúið þá setjiði mjólkina og rjóman út í.
Salt og pipar eftir þörf.

*Ef ykkur finnst súpan ekki nógu bragðmikil þá bætiði bara meira af tómatsósunni:)

*Ef það verður afgangur og þið ætlið að hita súpuna upp daginn eftir þá er pastað búið að draga í sig mikinn vökva, því er oft gott að bæta örlitlu vatni og setja smá tómatsósu útí:)

Þetta er eitt af því fyrsta sem ég lærði að elda og súpan er ekkert að fara að klikka ef þið hendið þessu svo bara öllu saman;) Hún gerði það allvega ekki hjá mér þegar ég var að byrja.

..Og ég er að segja ykkur það, þið verðið ekki fyrir vonbrigðum;)

Sigríður Etna + þriggja vikna nýrnasteininn:*

Jóla-jóla

2011-11-16T18:42:00.000Z

Best að vera með Dúddu í jólastuðinu fyrst að það styttist í fyrsta aðventu ;)

Heklaður jólakrans

annar úr tölum

og enn einn úr jólakúlum

oft er föndurefni fokdýrt en hér er sýnt hvernig hægt er að gera ódýran hring fyrir krans

svaka skreyting

að lokum ofsalega fallegur krans

Uglusýki?

2011-11-16T09:24:00.002Z

Fann svo sniðugt á How about orange sem ég verð bara að deila með ykkur!

Dagatal fyrir árið 2012 með uglumyndum. Hægt að velja úr 45 myndum og velja hvaða mynd á að fylgja mánuðunum sýni ykkur smá dæmi:

Mitt er tilbúið og bíður þess eins að ég prenti það út! :-)

Jóla - Skraut á jólatréð

2011-11-14T23:50:00.002Z

Í dag er það skraut á tréð sem hægt er að föndra! Njótið :-)

...

Jólaföt?

2011-11-09T10:48:00.010Z

Eru ekki einhverjar ofurmömmur hér sem ætla að búa til jólafötin á börnin sín? Ég ætla að sjá til hvað ég geri en hér er í það minnsta smá innblástur ;-)

Ókeypis uppskriftir að þessum fötum inná Pickles :-)

...

Innblástur

2011-11-09T10:48:00.009Z

Undir öll fallegu hekluðu teppin úr innblásturspóstunum ;-)

Gamall salt eða piparstaukur

Sniðugt

Líka sniðugt

Elska þessa hugmynd alltaf jafn mikið!

...

Of sætt!

...

Saumað úr peysu

Ég er kominn heim

2011-11-07T11:28:00.004Z

Ætla að sýna ykkur mynd sem ég gerði eftir pöntun um daginn.

Ef þið viljið panta mynd fyrir ykkur eða til þess að gefa að gjöf sendið mér póst á systraseidur@yahoo.com. Einnig er ég með þessar myndir til sölu á facebook síðunni okkar :-)

Fjeldborg

2011-11-07T11:26:00.003Z

Fjeldborg er enn eitt skemtilega bloggið sem er fullt af fallegum myndum og hugmyndum

...

Meira ókeypis - núna Jóla!

2011-11-07T11:05:00.007Z

Fullt af skemmtilegu tengt jólunum! Víhí! Smellið á punktana - prentið og gleðjist!

merkimiði

merkimiðar

Krúttlegur rebbi með jólabókunum ;-)

flottir merkimiðar

Gömul nótnablöð til að föndra með

Jólabingó

merkimiðar

Fyrir mömmu :-*

2011-11-05T11:50:00.004Z

Sé alltaf eitthvað af hugmyndum sem væru skemmtilegar fyrir bútasaumskonuna mömmu. Hún á líka skilið sér pósta fyrir sig annað slagið ;-)

...

Engar mýs hér :-)

...

List úr mosa!

Jóla innpökkunarhugmyndir

2011-11-04T23:13:00.003Z

Flottur sunnudagur til þess að pæla í hvernig við eigum að pakka inn fallegu jólagjöfum. Hér eru nokkrar hugmyndir sem heilla mig.

...

Sauma poka undir gjafirnar sem hægt er að nota aftur

...

Ef það er eitthvað sérstakt sem þið viljið sjá á síðunni okkar endilega segið frá í kommentunum. Getið hakað við anonymus ef þið eruð ekki með aðgang ;-)

Hvít gólf

2011-11-04T11:58:00.005Z

Hér á Tálknafirði búum við í húsi sem mamma og pabbi eiga. Húsinu sem ég ólst upp í. Á stofugólfinu er teppi sem er aaaalveg að verða komið á tíma ( eða svona rétt rúmlega það..;-) ). Mig langar svo í hvítt gólf á það en langar líka að það verði ódýrt. Mínar hugmyndir felast í að annaðhort flota það og lakka svo eða parketleggja það með krossviði, pússa svo og lakka hvítt.

Þessi hugmynd er ekki að fá neinar svakalegar undirtektir hér. Ég ætla að fá pabba til að kíkja með mér á þessar myndir og er nokkuð viss um að hann sannfærist ;-)

...

Einhver með reynslu af hvítum gólfum sem vill deila með mér ?

Ef ég fæ þetta ekki í gegn verð ég sennilega að hætta að kíkja á pinterest ;-) haha það væri pína!

innblástur

2011-11-03T09:43:00.002Z

...

Blúnda, krukka og sprey

Leikið sér með steina

...

Dásemd! Búið til úr bómullarnoðrum

leiðbeiningar

...

Leynihólf ;-)

...

Ókeypis skemmtilegheit

2011-11-02T22:02:00.004Z

Ég er búin að sanka að mér linkum á allskonar skemmtilegt til þess að prenta út og setja í ramma eða búa til kort úr. Best er að þetta er allt ókeypis. Njótið vel :-)

6 litir í boði

...

stafakort

12 litir 2 stærðir

30X 24 cm plakat - hægt að velja úr 25 litum!

Poki

kort

Tölustafir

Hestamynd margar myndir á þessari síðu

30x 24 cm held ég að stærðin á þessum sé

Fleiri í þessum stíl hér

Love it!

Meira seinna!

Meira jóla jóla

2011-11-01T11:19:00.003Z

...

Mér finnst æði að leyfa fallegustu jólakúlunum að njóta sín í flottum skálum eða diskum áður en þær fara upp á tréð

Piparkökutré

Til að skreyta með úti? eða til að setja í vatnskönnur!

...

Ahhh! Svo Lovlí!

...

Á jólatréð?

Aðventu dagatal

doppur

2011-10-30T20:47:00.000Z

Svona í tilefni hlaupabóluvikunnar sem er að líða set ég hér skemmtilegar doppur ;)

Hver yrði ekki glaður/glöð í svona herbergjum?

..............

.................

kisu líst meira að segja vel á

Komin heim

2011-10-29T09:28:00.003Z

Þá erum við komin heim á Tálknafjörð og aðeins farin að geta andað fyrir kössunum!

Smá random gleði í tilefni þess! :-)

...

Fer svo að skella inn allskonar gleði, tengt jólunum og fleira!

Gestahús?

2011-10-27T14:06:00.001Z

Myndir þú vilja gista í svona húsum?

Kannski er þetta barnakofi? eða hvað?

Dreamy!

Kannski svoooolítið hátt uppi, en það er þá líklegast gott útsýni ;)

Þetta finnst mér Ææææææðislegt hús

Afmælis

2011-10-18T11:00:00.007Z

Við fjölskyldan fórum í sameiginlega afmælis- og nafnaveislu hjá æðislegum systkinum um helgina.

Ég föndraði smá fyrir stóra skólastrákinn og svo þurfti auðvitað að föndra aðeins við pakkana.

Pappírinn er úr Europris og er þar núna alveg rosalega ódýr! Svo smellti ég smá límbandi með lími báðum megin og klippti svo skemmtileg form úr litríku kartoni til að skreyta með.

Þessi askja er gerð úr skrapppappír. Ég notaði gamla öskju sem mamma átti en ætlaði að henda. Tók hana bara í sundur og strikaði eftir á skrappappírinn. Klippti svo og límdi og bætti við borðum. Ansi sæt! :-)

Ofan í hana voru svo settir glærir steinar sem ég límdi pappír sem ég hafði skrifað stafi á.

Ein trana líka fyrir lukkuna..

Stóra mín spennt fyrir afmælinu :-)

Jóla jóla?

2011-10-16T22:44:00.005Z

...

Krúttlegir merkimiðar

...

Jólapælingarnar eru að sjálfsögðu komnar á fullt! Fyrir mjög þær sem eru í miklu jólaskapi má líka kíkja í flokkana hér til hliðar. Þar er einn flokkur sem heitir jóla! :-)

Falleg barnaherbergi

2011-10-16T21:58:00.004Z

Því núna er ég að leita að innblæstri fyrir herbergi stelpnanna. Pælingin er að hafa þær saman í svefnherbergi og hafa svo eitt leikherbergi :-)

...

Vonandi áttuð þið öll jafn góða helgi og ég!

Stuð á Skólavöllum

2011-10-14T21:40:00.012Z

Hjá þessum sætu píum í það minnsta..Mínir dagar líta aðeins öðruvísi út.. Fullir af pappakössum, að flokka, pakka og henda. Það fer að vísu minnst fyrir því - alls ekki mín sterka hlið get ég sagt ykkur!Fallegu hlutirnir

þurfa auðvitað að vera vafnir inn í falleg efni. Það að geyma alla litlu kassana hlaut líka að koma sér vel! :-)

En skotturnar þurfa líka smá stuð þegar rignir úti svo við bjuggum til smá hús í stofunni. Tók um það bil eina og hálfa mínútu.. Afhverju ég geri þetta ekki alla daga veit ég ekki! En það sem þurfti að gera var að færa einn stól og bekkinn og smella afmælisdúknum yfir..

Það var frekar einmannalegt fyrst hjá þeirri litlu

En fljótlega bættist EMí í partýið ;-) Eruði að sjá hvað litla konan dýrkar stóru syss!Slegið upp te-boði!

Ekki alveg að skilja þetta enn ..

Gott að eiga stóra systir til að kenna sér..

Orkuboltar sitja sjaldnast kyrrir - farin að leita að -öðrum leiðum út..

Heimkomu pabba fagnað!

Aftur ein á báti. hehe Eins gott að sú stóra sá ekki til hennar þarna ;-)

Gleymir sér í barnatímanum..Það er kominn tími til að hætta þessari vitleysu þegar of margar myndir eru farnar að líta svona út ;-)

Lengi lifi leikskólafrís-rignangadagar!