Hrískaka

Þegar Danni var með bakaríið á Patró keypti mamma stundum eitthvað sætt og gott fyrir okkur systkinin. Sjálf keypti mamma sér alltaf hrísköku og náði að spara hana í nokkra daga (einn biti á dag!) Ég ákvað um daginn að prufa að gera svona "hrísköku" sem sló heldur betur í gegn hjá öllum á heimilinu!

Ég byrjaði á að gera sjónvarpskökubotn og skipti honum í tvö form:

300 gr. sykur
4 egg
1 tsk vanillusykur
250 gr. hveiti
2 tsk lyftiduft
2 dl. mjólk
50 gr. smjörlíki

Hræri sykur og egg saman, bæti svo við þurrefnum og hræri smá. Bræði smjörlíkið og set það ofan í mjólkina og hræri samanvið.

Sneri svo kökunni á hvolf og hellti rice crispies ofaná!

Bjó svo til karmellu, ég gerði reyndar tvöfalda, svo miklir sælkerar sem búa hérna;)

2 dl rjómi
20 gr sykur
2 msk síróp

Soðið saman við lágan hita þar til það þykknar.

Bæti við:

50 gr. smjöri
1 tsk. vanilludropum

Passa að hún brenni alls ekki við!

Var orðin dáááálítið þreytt á karmellunni, hefði átt að gera í 2 hollum, hefði eflaust verið sneggri að því.

Svo hellti ég karmellunni yfir rice crispies-ið, en það er líka alveg hægt að setja rice crispies-ið ofaní karmelluna, blanda vel saman og setja á kökubotninn.

Þá var bara eftir að bræða suðusúkkulaði í vatnsbaði (við mæðgur setjum reyndar alltaf 2 dropa af matarolíu ofaní eins og Dóra á Felli gerir alltaf, en það mýkir súkkulaðið)


Þá var kakan tilbúin!:) Hrískakan var svo miklu betri daginn eftir, mhmm!

Verði ykkur að góðu:)!