Lítill svartur kjóll

Það er góð hugmynd að taka upp snið af flík sem manni þykir vænt um og fílar vel. Ég er t.d. lengi búin að eiga kjólinn á myndinni til vinstri. Ég var hins vegar með allt öðruvísi efni til að vinna með en ákvað að sníða efri hlutann á nýja kjólnum eftir hinum en láta hann svo vera lausari að neðan.

Og það besta er að þessi kjóll var einu sinni virkilega víðar og fyndnar buxur sem ég fann hjá mömmu. Hann var því ekki dýr í framkvæmd. Keypti bara tvinna og silki-skábandið sem ég setti í hálsmálið og svo neðst á hann. Við erum að tala um nokkra hundraðkalla skiljiði :-)

Mér finnst hann æði eins og ég notaði hann í gær svona alveg lausan eeen hann býður  upp á svo marga  spennandi möguleika.

Við Sigríður systir lékum okkur útí garði í gær

Ég smellti mér í þessar litlu hvítu ermar og skóna fínu frá því ég gifti mig. Aldeilis sem kjóllinn var fínn svona. Rómó fílingur í þessu

                                                                                                                                                              

Svo þægilegur til að hnoðast með litlu skotturnar :-)

Skora á ykkur allar að finna ykkur efni sem má alveg skemmast og prófa bara. Þetta er svo gaman! :-)

<3 Dúdda

Smá breyting á flík

Smá breyting á flík getur gert svo mikið! Ég stytti pils sem ég keypti á nytjamarkaðinum á Selfossi fyrir löngu síðan.

Núna sé ég fyrir mér að ég muni nota það :-)

... Og kjóllinn blár! Project restyle - vika 32.

Ég er viss um að ekki finnist öllum sniðugt það sem ég var að gera núna haha. En sama er mér því ég er alsæl!

En ég fékk þennan krúttlega kjól í nytjamarkaðinum fyrir einhverja hundraðkalla.. Fannst hann samt eiginlega of sætur. 

Svo ég smellti honum í pott með bláum fatalit, krossaði putta 

og vonaði það besta...  Vissi náttúrulega ekkert hversu mikið af litinum yrði eftir þar sem þetta er ekki úr bómull.

Þetta var svo útkoman :-)

Og litla Ragna Evey svona líka fín! :-)

Fötum breytt

Þessi gella er alveg frekar sniðug. Hennar mottó fyrir árið snýst um 365 kjóla á 365 dögum fyrir í mesta lagi 365 dali. Henni tekst oftast mjög vel til og hér eru 3 dress sem mér finnst æði hjá henni! 

Jakki þrengdur

Rosa sætur kjóll, hér

Flott!

Ég var auðvitað alveg heilluð þegar ég uppgötvaði þessa síðu og hef verið að leita í kringum mig af ódýrum fötum. Ég fann þennan jakka á 500 kall á nytjamarkaðinum á Selfossi.
Ég þrengdi hann svolítið og á því nú fínan sumarjakka :-)

Bolur verður kjóll

Átti þennan bol í skápnum, en notaði aldrei svo ég ákvað að þrengja hann aðeins og minnka götin fyrir hendurnar og nú á Erla Maren svona fínan kjól :-)

Rótað í skápum hjá mömmu

Ef maður rótar svolítið, getur maður fundið e-ð svona:

Og sko... þetta er sniðið? á kjólnum..

En svo ef maður býr til svona nælu: (Fann aðferðina hér)

Þá er maður komin með svona rosa fínan páskakjól! :-)Og mér finnst jakkinn bara nokkuð góður með gallabuxum ;-)